Marketplace Terms

1. Yeh platform kya hai

Raja IT City ka Buy & Sell page aik online listing platform hai — jaise bazaar ka notice board. Registered sellers yahan apni products aur services display kar sakte hain. Raja IT City sirf platform faraham karta hai — yeh kisi bhi deal ka seller, buyer, agent ya fareeq NAHI hai.

2. Kharidari apne zimme par (Buyer’s risk)

• Seller se har deal sirf aap aur seller ke darmiyan hogi — apne zimme par (at your own risk).
• Payment se pehle product/service khud verify karein: jahan mumkin ho cheez dekh kar lein, mehfooz public jagah par milein, seller ki pehchan confirm karein.
• Kisi ajnabi ko advance payment KABHI na bhejein. Raja IT City marketplace ki kisi deal ke liye aap se advance payment nahi mangega.
• Agar deal me koi masla ho to aap ka muamla seller ke saath hai — Raja IT City ke saath nahi.

3. Hamari approval — aur us ki had

• Har listing publish hone se pehle hamari team review karti hai. Hum koshish karte hain ke sirf genuine listings approve hon.
• Taham approval aik bunyadi jaanch hai — yeh quality, asaliyat ya seller ki diyanatdari ki guarantee NAHI. Kisi bhi listing, product, service ya transaction ki hum koi zimmedari nahi lete.

4. Seller ki zimmedariyan

• Maloomat sach aur durust hon: title, description, price, condition (new/used), category aur location.
• Tasweeron ke haqooq aap ke paas hon ya istemal ki ijazat ho.
• Seller form submit karne ka matlab hai ke aap apna WhatsApp number (aur website link, agar diya ho) PUBLIC dikhane ki ijazat dete hain taake buyers aap se direct rabta kar sakein — bilkul OLX ki tarah.
• Listing updated rakhein. Cheez bik jaye to team ko ittila dein taake listing hata di jaye.
• Rs 1,000/saal registration aap ka seller account activate karti hai; har listing phir bhi team ki approval ke baad hi nazar aayegi.

5. Mamnu (prohibited) listings

Ghair-qanooni ashya/khidmat, hathyar, nashilaat, chori ka maal, naqli cheez ko asli bata kar bechna, fraud/scam schemes, fahash mawad, ya Pakistani qanoon ki khilaf-warzi wali har listing sakhti se mamnu hai — aisi listings hata di jayengi aur khilaf-warzi karne wale ko ban kiya ja sakta hai.

6. Fees

Seller registration: Rs 1,000/saal — Easypaisa 03216571339 (Muhammad Sartaj) par. Fee deal ke mutabiq kam/zyada ho sakti hai — WhatsApp +92 305 5309695 par hamari team se rabta karein. Payment ke baad screenshot WhatsApp par bhej dein taake aap ka seller account activate ho jaye.

7. Zimmedari se inkar (No liability)

Qanoon ki had tak, Raja IT City, Raja School aur Digital Khudian marketplace listings ya deals se hone wale kisi bhi nuqsan, dhoke ya kharch ki koi zimmedari qabool nahi karte. Platform apne zimme par istemal karein.

8. Report aur removal

Koi jaali ya mashkook listing nazar aaye? Listing par Report button istemal karein ya WhatsApp +92 305 5309695 par ittila dein. Hum kisi bhi listing ko baghair notice ke edit, suspend ya remove kar sakte hain.

9. Privacy

• Aap ka WhatsApp number sirf is liye public nazar aata hai kyun ke aap ne khud seller form me usay shaya karne ka intekhab kiya (OLX ki tarah).
• Aap ki di gayi maloomat sirf aap ki listing chalane aur aap se rabte ke liye istemal hoti hai.

10. Rabta

Marketplace ke baare me sawal ho to: WhatsApp +92 305 5309695  |  www.rajaitcity.pk

11. Approval ka waada aur fraud par foran action

• Easypaisa payment ka screenshot milne ke baad hamari team 24 ghante ke andar aap ki seller registration verify kar ke approval degi.
• Agar koi seller ghalat, jaali ya gumrah-kun product/service lagaye, ya kisi client ki report par fraud sabit ho, to us ki listing foran hata di jayegi aur seller ko baghair warning ke disable kar diya jayega.
• Fraud ki surat me disable hone par registration fee wapis NAHI ki jayegi.

Verified Seller: Rs 5,000/saal — documents check ke baad aap ki listings par ✓ Verified green tick lagega. Verification ke liye apne asal documents WhatsApp +92 305 5309695 par bhej dein.